Ana Səhifə Redaktordan Seçmələr Azərbaycanın bir neçə bankı POS-terminalların sayını kəskin azaldıb – ARAŞDIRMA

Azərbaycanın bir neçə bankı POS-terminalların sayını kəskin azaldıb – ARAŞDIRMA

Bank NewsSen 26, 2014Redaktordan Seçmələr0

Bu ilin I rübü ilə müqayisədə II rübdə bəzi Azərbaycan banklarında POS-terminalların sayı kəskin azalıb.

30 bankın təqdim etdiyi hesabata əsasən hesabat dövrü üzrə POS-terminalların sayına görə müvafiq renkinq tərtib edib.

Renkinqin təhlili zamanı məlum olub ki, 30 bankdan 13-də POS-terminalların sayında bir rüb ərzində azalma müşahidə olunub, 7 bankda dəyişim olmayıb, 10 bankda artım müşahidə olunub. Bununla yanaşı, 13 bank POS-terminalların sayı ilə bağlı məlumatları ümumiyyətlə açıqlamayıb.

Cari ilin ilk üç ayı ilə müqayisədə I yarımillikdə POS-terminalların sayının azalmasında birinci yeri “Bank Standard” tutub. Bank son üç ay ərzində POS-terminallarının sayını 182 ədəd azaldıb.

Siyahıda ikinci yeri “Amrahbank” tutur. Bankın POS-terminallarının sayı 97 ədəd azalıb.

Üçüncü yerdə isə “Dəmirbank” qərarlaşıb. Belə ki, bank 83 ədəd POS-terminalı dövriyyədən çıxarıb.

Sıralamada son yerləri “Bank Technique” və “Qafqaz İnkişaf Bankı” tutur. Adıçəkilən banklar müvafiq olaraq 2 və 1 ədəd POS-terminalı sıradan çıxarıb.

Maraqlıdır ki, banklar POS-terminalların sayının azalmasının səbəbi kimi proqram təminatlarının yenilənməsi və ya sözügedən cihazlarda yaranan nasazlığı göstərir (Ətraflı bax cədvəl 1)

Cədvəl 1

Azalma olan bankların siyahısı		POS-terminalların sayı	Bir rüb ərzində azalan POS-terminal sayı
1	Bank Standard	1 640	182
2	Amrahbank	409	97
3	Dəmirbank	1 103	83
4	AFB Bank	1 095	43
5	Bank Respublika	769	18
6	RabitəBank	460	14
7	Atrabank	62	14
8	Kredobank	37	9
9	TuranBank	174	6
10	Bank Nikoil	307	3
11	Azər-Türk Bank	49	2
12	Bank Technique	519	2
13	Qafqaz İnkişaf Bankı	3	1

Son üç ayda 7 bankda POS-terminalların sayında artım və ya azalma baş verməyib (Ətraflı bax cədvəl 2)

Cədvəl 2

Banklar		POS-terminalların sayı
1	Zaminbank	1 891
2	Kapital Bank	1 027
3	MuğanBank	659
4	Xalq Bank	119
5	Gəncəbank	21
6	DekaBank	8
7	Günay Bank	4

2014-cü ilin ilk iki rübü arasındakı fərqə nəzər saldıqda məlum olur ki, 10 bankda POS-terminalların sayında artım müşahidə olunur.

Siyahıda POS-terminalların sayında artıma görə birinci yerdə 4 613 ədədlə “AtaBank” qərarlaşıb. İkinci yer sahibi isə 2 966 ədəd POS-terminal artımı ilə “Exspressbank”dır. Sıralamada üçüncü yer 2 276 ədəd POS-terminal sayı ilə “Azərbaycan Beynəlxalq Bankı”na məxsusdur (Ətraflı bax cədvəl 3)

Cədvəl 3

Artım olan bankların siyahısı		POS-terminalların sayı	Bir rüb ərzində artan POS-terminal sayı
1	AtaBank	16 561	4 613
2	Exspressbank	3 589	2 966
3	Azərbaycan Beynəlxalq Bankı	7 399	2 276
4	AccessBank	2 020	1 697
5	AGBank	2 238	1 037
6	YapıKredi Bank Azərbaycan	2 678	374
7	Parabank	123	21
8	Bank BTB	27	12
9	Bank of Baku	32	4
10	Bank VTB (Azərbaycan)	7	1

Aşağıda göstərilən 13 bank isə ümumiyyətlə POS-terminallarla bağlı məlumatları açıqlamayıb (Ətraflı bax cədvəl 4)

Cədvəl 4

Məlumatları açıqlamayan bankların siyahısı
1	Bank of Azerbaijan*
2	Unibank*
3	Azərbaycan Sənaye Bankı*
4	Yunayted Kredit Bank*
5	Bank Silk Vey*
6	Naxçıvanbank *
7	Bank Avrasiya*
8	Pakistan Milli Bankı Bakı Filialı*
9	Bank Melli İran *
10	PAŞA Bank*
11	Evrobank*
12	Azərbaycan Kredit Bank*
	NBC Bank*