Əmanətlərin Sığortalanması Fondunun (ƏSF) icraçı direktoru Azad Cavadov jurnalistlərə açıqlamasında martın 1-dən qüvvəyə minən “Əmanətlərin tam sığortalanması haqqında” qanunla bağlı fikir söyləmişdir.  Azad Cavadov: “Qanundan iki maddə çıxarılıb. Köhnə qanunda göstərilirdi ki, əmanət kredit borcuna görə bloklanırdı və həmin əmanətlər qorunmayan əmanətə aid edilirdi. Lakin hazırkı şərtlərə görə, sığorta hadisəsi baş verərsə, kredit borcu olan əmanətçilərin əmanətlərinin bir hissəsi vaxtı çatmış kreditə yönəldiləcək, qalan hissəsi isə əmanətçiyə qaytarılacaq”.