27 mart 2014-ci il tarixində Bakı Fond Birjasında Azərbaycan Respublikasının Mərkəzi Bankı nəzdində Azərbaycan İpoteka Fondunun faizli adlı sənədsiz təmin edilmiş istiqrazlarının 5 000 000 manatlıq hissəsinin yerləşdirilməsi üzrə növbəti hərrac keçirilmişdir.
Birjadan “Marja”ya daxil olmuş məlumata görə, hərracda 2 birja üzvü iştirak etmişdir. Sifarişin ümumi məbləği nominal üzrə 33 875 000 manat təşkil etmişdir.
Sifarişlər 100.3667% qiymətdə təqdim edilmişdir.
İstiqrazların nominal üzrə reallaşdırılmış həcmi 5 000 000 manat məbləğində müəyyən edilmişdir.
İstiqraz vərəqələrinin ödəmə tarixi 21 dekabr 2023-ci ildir.
