011-ci ildə 69 min 842 manat zərər açıqlamış, 2012-ci ildə 574 min 692 manat xalis mənfəət əldə etmiş Beynəlxalq Sığorta Şirkətinin (BSŞ) yenidən mənfəəti kəskin azalıb.
“Marja” şirkətin mətbuatda dərc etdirdiyi maliyyə hesabatlarına istinadən xəbər verir ki, BSŞ 2013-cü ili cəmi 15,4 min manat xalis mənfəət ilə başa vurub.
Keçən il şirkətin əsas əməliyyat gəliri 14,4 milyon manat təşkil etmişdir ki, bu da 2012-ci illə müqayisədə 4,2% azdır.
BSŞ ötən il 13,28 milyon manat sığorta haqqı toplayıb, bu da bir əvvəlki illə müqaisədə 4,3% azdır.
Şirkətin cəmi gəlirləri isə 6% azalaraq 17,18 milyon manatdan 16,15 milyon manata düşmüşdür.
Keçən il Şirkətin cəmi xərcləri isə 16,07 milyon manat təşkil etmişdir (2012-ci ildə 16, 4 milyon manat idi).
Ötən il BSŞ-nin aktivləri cüzi artaraq ilin sonuna 22,78 milyon manata çatmışdır.
Keçən il Beynəlxalq Sığorta Şirkətinin nizamnamə kapitalıda (8,8 milyon manat) dəyişiklik baş verməmişdir.
