Azərbaycanda kreditlərin verilməsinin sərtləşdirilməsi onun alınmasını ciddi azaltmır.
Mərkəzi Bankın açıqladığı aylıq məlumatlara görə,2014-cü ilin yanvar-fevral ayları ərzində Azərbaycanın bank sektorunun kredit qoyuluşları 163,9 milyon manat artaraq 15 milyard 153 milyon 700 min manata çatmışdır. Halbuki, 2013-cü ilin ilk iki ayında kredit qoyuluşları 103,6 milyon manat azalmışdı.
Yanvarda kredit qoyuluşları 32,3 milyon manat, fevralda isə 131,6 milyon manat artıb. Müqayisə üçün qeyd edək ki, 2013-cü ilin fevralında kredit qoyuluşları 271,3 milyon manat azalmışdı.
Lakin, yanvar və fevral aylarında kredit qoyuluşlarının artımı ötən ilin orta aylıq artım göstəricisi ilə müqayisədə aşağıdır. Belə ki, 2013-cü ildə bank sektorunun kredit qoyuluşları 3 milyard 26 milyon manat artmışdı. Kredit qoyuluşlarının orta aylıq artımı 252 milyon manatdan çox olmuşdu. Hətta, təkcə ötən ilin aprelində kredit qoyuluşları 560 milyon manatdan çox artmışdı.
