İsveçin Lund Universitetində təhsil alan bir qrup tələbə kredit kartlarından daha sadə ödəmə sistemi üzərində çalışırlar.
Bu, sadə ödəmə sistemi isə ondan ibarətdir ki, ovcunuzu, sadəcə, cihaza tanıtmağınız lazımdır. Sonra isə telefon nömrənizin son dörd rəqəmini cihaza daxil etdiyiniz zaman ödəniş həyata keçiriləcək.
Layihə “Quixter” adlandırılıb. Bu fikri isə mühəndislik fakültəsində oxuyan Fredrik Leifland irəli sürüb. Leiflandın bu cihazı yaratmaqda məqsədi kassalarda ödənişlərin daha tez həyata keçirilməsi və saxta kartların qarşısını almaqdır.
Bu sistemin istifadəsinin əlverişli və asan olmasına istehlakçılar qərar verəcəklər.
