“Yapı Kredi Bank Azərbaycan” kredit kartı bazarında təmsil olunduğu “Worldcard”ın sayını açıqlayıb.
Bankın İdarə Heyətinin sədri, Baş Direktoru Altan Şentürk bildirib ki, 2014-cü ilin İyun ayına “Worldcard” sahiblərinin sayı 85 mindən çox olub. Hazırda “Worldcard” sahibləri 2500-dən çox olan alış-veriş şəbəkəsi ilə kartın üstünlüklərindən faydalanırlar.
1,5 ildə 55 MİN ƏDƏD ARTIB
2013-cü ilin yanvarında “Yapı Kredi Bank”ın təqdim etdiyi “Worldcard”ı Azərbaycanda əldə edənlərin sayı 30 mini, kartın əhatə etdiyi ticarət obyektlərinin sayı isə 700-ü ötmüşdü.
Qeyd edək ki, Türkiyənin ilə kredit kartı “Worldcard” 2012-ci il sentyabr ayından Azərbaycan müştərilərinin istifadəsinə təqdim edilib.
BAZAR PAYI 8%-dir
Mərkəzi Bankın məlumatına görə, İyun ayının 1-nə dövriyyədə olan ödəniş kartlarının sayı 1 milyon 117 min ədəddir. “Worldcard” lar dövriyyədə olan kredit kartlarının təxminən 8%-ni təşkil edir.
DAHA 2 FİLİALINI AÇACAQ
Altan Şentürk qeyd edib ki, hazırda “Yapı Kredi Bank Azərbaycan” filiallarının sayı 16-a çatıb: “Qısa zamanda isə iki filial daha açaraq 18-ə çatmasını düşünürük, eyni zamanda filial sayımızın Azərbaycanın müxtəlif bölgələrində də daha çox genişlənməsi üçün planlarımız mövcuddur”.
