Bu ay “Səba” Səxavət Günü Bakı və Abşeron yarımadasını əhatə edən 127 marketdə keçiriləcək. Bu barədə “Səba” şirkəti həmin marketlərin nümayəndələri üçün keçirdiyi təqdimatda bildirib. Təqdimatda qeyd edilib ki, Səxavət Günü üçün müəyyən marketlərin seçilməsinə səbəb istehlakçıların böyük həvəslə gözlədikləri bu günün daha mütəşəkkil keçirilməsi zərurətidir.

“Seçilmiş marketlər böyük alıcı axını ilə müşayiət olunan “Səba” Səxavət Gününü keçirə bilmək gücü ilə yanaşı, həm də “Səba” brendinin bütün məhsul cərgəsini təqdim edən marketlərdir. Bu da bizə imkan verir ki, “Səba” səxavət payının bu marketlərə tam dəstini təqdim edək” – Səxavət Gününün təqdimatında “Səba” nümayəndələri belə dedilər.

Görüşdə “Səba” şirkətinin nümayəndələri səxavət paylarının görünüşü və qablaşdırılması barədə də məlumat verdilər. Qeyd olundu ki, səxavət payı birgə qablaşdırılmış xüsusi çeşiddə məhsullardan ibarətdir və hər marketə brend məhsullarının günlük satış payına əsasən verilir. “Səba” təmsilçiləri səxavət payı alacaq marketlərin sayı və siyahısının market və istehlakçıların davranışına görə dəyişəcəyini də vurğulayıblar.

Xatırladaq ki, aprel ayından başlayaraq, “Səba” şirkəti hər ayın 15-nin “Səba” Səxavət Günü kimi qeyd edilməsini qərara alıb. Həmin gün “Biri sizlik – biri bizlik!” şüarı ilə müəyyən “Səba” məhsulları marketlərə pay kimi çıxarılır.

10 ildən artıq bir vaxtda toyuq məhsulları ilə Azərbaycan bazarının lideri olan Səba qısa müddətdə süd məmulatları, xüsusilə qatığı və yağı ilə də istehlakçıların yüksək rəğbətini qazanıb.

Mayın 15-də səxavət payı alacaq marketlərin adları oxuculara təqdim olunur. Səxavət payı olacaq məhsulların adlarını və marketlər üzrə bölgüsünü isə “Səba” şirkəti aksiyadan 1 gün əvvəl açıqlayacaq.