Bir qədər əvvəl yanğın baş vermiş “Moskva Univermağı”na dəyən zərərlə bağlı sığorta ödənişindən burada işləyən sahibkarlara pay düşməyəcək.
Bu barədə fins.az-a açıqlamasında “Moskva Univermağı”nın direktor müavini Anar Babayev bildirib. Onun sözlərinə görə, hazırda yanğınla bağlı araşdırma, istintaq prosesi davam edir.
Yanğın nəticəsində dəymiş ziyanın təxminən 800 min manat olduğunu və univermağın “Azsığorta” şirkətində sığortalandığını xatırladan A.Babayev bildirib ki, hadisə ilə bağlı alınacaq sığorta ödənişi yalnız univermağın təmir xərcləri üçün nəzərdə tutulub: “Sahibkarlara hər hansı bir ödəniş verilməyəcək. Çünki onlar mallarını sığortalamayıblar”.