İcbari Sığorta Bürosu sığorta hadisələri zamanı hüquq-mühafizə orqanlarından tələb olunan arayışların hansı müddətə verildiyini açıqlayıb. Qeyd edək ki, İSB-nin icraatına daxil olan kompensasiya tələbləri üzrə icraat aparılan zaman avtomobil sahiblərinin mülki məsuliyyətinin icbari sığortası üzrə sığorta hadisəsi hesab edilə bilən halın təfərrüatları barədə arayış tələb olunur.
İSB-nin konpensasiya və subroqasiya şöbəsinin müdiri Fatma Miriyeva bildirib ki, 2013-cü ildə kompensasiya ödənişi verilmiş 24 iş üzrə daxili işlər orqanları tərəfindən müvafiq arayışlar 13 iş üzrə 1 ay müddətində, 2 iş üzrə 2 ay, 4 iş üzrə 3 ay, 5 iş üzrə isə 3 aydan artıq müddətə təqdim olunub.
F.Mirəliyeva xatırladıb ki, Daxili İşlər Nazirliyinin kollegiyasının 30 noyabr 2013-cü il tarixli qərarına əsasən sığortaçılar DİN-in Baş Dövlət Yol Polis İdarəsinə elektron şəkildə müraciət edərək icbari sığorta üzrə qəzanın baş verdiyini təsdiqləyən arayışı ala bilərlər. Lakin İSB-nin və sığorta şirkətlərinin zərərçəkən şəxslərə ödənişlərin sürətləndirilməsi üçün bu arayışın sığortalananla yanaşı, sığortaçılara da göndərilməsi vacibdir. Bu səbəbdən sığorta şirkətləri DYP-nin elektron xidmət bazası ilə İSB-nin informasiya sisteminin inteqrasiya olunmasını, bununla bağlı sığorta qanunverikicilində müvafiq dəyişikliyin olunmasını təklif edirlər.fins.az
Geri"Accessbank"dan Təcili və bol hədiyyəli pul köçürmələri kampaniyasına start verildi!
İrəliHökumət 1500 manatdan ev almağın mümkün olmadığını qəbul edir