“NBCBank” pərakəndə bankçılıq sahəsində fəaliyyətini daha da genişləndirməkdə davam edir. Yeni avtomobillərin kreditləşməsi sahəsində bank bazarında lider olan bank, hal-hazırda əhalinin müxtəlif təbəqələri üçün sərfəli şərtlər ilə istehlak və biznes kreditləri təqdim edir.
Ötən həftə təqaüdçülər üçün hazırlanan “təqaüdçü krediti” məhsulu vasitəsi ilə 70-yaşa qədər hər bir təqaüdçüyə 5 min manata qədər və ya təqaüd məbləğinin 10 mislinə qədər kredit rəsmiləşdirmək imkanı veriləcəkdir.
Bank eyni zamanda səyahət etmək, mebel və məişət texnikası, kompyuter, telefon əldə etmək istəyənlər üçün kreditlər də təqdim edir. Qeyd olunanlar ilə yanaşı, güzəştli və güzəştsiz şərtlər ilə ipoteka krediti də əldə etmək mümkündür.
“NBCBank” həmçinin, müxtəlif peşə sahibləri üçün cari ilin iyunun 1-dən iyulun 31-ə qədər asan, sərfəli və sadə sənədləşmə ilə pul krediti kampaniyasına başlayır.
İllik faiz dərəcəsi 25 faiz nəzərdə tutulan bu kampaniyada bank xərci cəmi 3 faiz təşkil edir.
