“Küləyin törətdiyi fəsadlarla bağlı vətəndaşlardan respublika üzrə 8 müraciət almışıq”. Bunu fins.az-a açıqlamasında “Azərsığorta” şirkətinin nəqliyyat departamentinin aparıcı mütəxəssisi Nərmin Mehdiyeva bildirib.
Amma müraciət edən müştərilərin avtomobilləri yalnız icbari sığorta olunduğuna görə, onlara izah edilib ki, maşına dəyən zərəri şirkət ödməməməlidir.
Belə müraciətlərin ikisi Gəncədə qeydə alınıb. Kəpəz rayon filialından bildirilib ki, avtomobilə dəymiş ziyanla bağlı 2 müraciət daxil olsa da, icbari sığorta olduğu üçün müraciətlər qeydə alınmayıb.
Külək yaşayış evlərinə də zərər vurub. Şirkətin Quba rayon filialının direktoru Qadir Abdullayev isə bir evin dam örtüyünə təqribən 100 manat məbləğində dəymiş ziyanla bağlı müraciət daxil olduğunu bildirib. “Azərsığorta”nın Gəncə şəhər Nizami rayon filialının direktoru Xəqani Bayramov isə bildirir ki, köhnə bir evin dam örtüyünə dəymiş kiçik ziyanla bağlı şifahi müraciət daxil olub. www.fins.az
