“Buta Sığorta” şirkəti fevral ayı üzrə nəticələrini açıqlayıb. Fevralda toplanan sığorta haqqlarının həcmi 44 274 manat olub. Sığorta şirkəti fevralda topladığı sığorta haqqlarından 2,5 dəfə çox ödəniş edib. Bir ayda 242 sığorta hadisəsi üzrə 110 965 manat sığorta ödənişi verilib. Şirkət ödənişlərin 80,9 %-ni avtomobil qəzalarına görə ödəyib. 42 avtomobilin təmir xərci 89 790 manat olub. Şirkətin bir avtomobil üzrə orta xərci 2137 manat təşkil edib.
“Buta Sığorta” bundan əlavə elektron cihazların sığortası üzrə 91 sığorta hadisəsi üzrə 12 625 manat, tibbi sığorta üzrə 109 müraciətlə bağlı 8 549 manat ödəniş edib.