BAKI METROPOLİTENİ

“BAKI METROPOLİTENİ” QSC-DƏ İŞÇİ TƏLƏB OLUNUR

Bir neçə ixtisas üzrə vakant yerlərə qəbul prosesi davam etdirilir.

Fevralın 13-ü “Bakı Metropoliteni” QSC-nin Təlim-Tədris Mərkəzində müəssisənin mütəxəssislərindən ibarət kadr komissiyası tərəfindən işə qəbul imtahanı keçirilib.
Azərbaycan Respublikası Əmək və Əhalinin Sosial Müdafiəsi Nazirliyinin Dövlət Məşğulluq Xidmətindən göndərişlə müraciət edən namizədlərin işə qəbulu yol elektriki, yol montyoru, yardımçı fəhlə, təmir üzrə çilingər, elektrik çilingəri və digər ixtisaslar üzrə aparılıb.
Qeyd edək ki, ilkin seçim mərhələsində müraciət edənlər vakansiyanın tələblərinə uyğunluğu yoxlanıldıqdan sonra imtahana buraxılıblar. İmtahanı müvəffəqiyyətlə keçən 63 nəfərlə Azərbaycan Respublikasının Əmək Məcəlləsinin qanunvericiliyinə uyğun əmək və hüquq münasibətlərini tənzimləyən müqavilə rəsmiləşdirilib. Onlardan iki nəfəri Qarabağ müharibəsi veteranı, bir nəfəri isə uşaq evinin yetirməsidir. 19 nəfər müraciət edən isə dəvət olunmalarına baxmayaraq imtahanda iştirak etməyib.
İşə qəbul imtahanını uğurla keçən namizədlər “Bakı Metropoliteni” QSC-də ilk dəfə olaraq psixoloji-test olunublar.
Onu da əlavə edək ki, xüsusi peşə ixtisasları, yəni sazlayıcı, sarğıçı, kabel lehimləyicisi, dolalayıcı, frezerçi, avtomobillərin təmiri üzrə çilingər ixtisasları üzrə işə qəbul prosesi hələ davam edir.

Bakı Metropoliteni




3 şərh ““BAKI METROPOLİTENİ” QSC-DƏ İŞÇİ TƏLƏB OLUNUR

  1. Gulnar Aslanova 1993.03.27

    Men Quba dovlet sosial İqtisadi kollecinin yol hereketinin teskili ixtisasini qutarmisam diolonumu almisam Hemcinin kompitur kursunu qutarmisam sertifkatimi almisam

    Cavabla

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir