Onlayn ödənişlərin ən rahat üsulu Virtual kartdır. Araşdırmalar nəticəsində məlum olub ki, əvvəlki illərlə müqayisədə əhali arasında virtual karta maraq artıb.
Bəs, virtual kartların əsas üstünlüyü nədir?
Bu məhsulun digər ödəniş kartlarından əsas fərqliliyi ondadır ki, yalnız internetdə xidmət və malların ödənilməsi üçün nəzərdə tutulur və onun üzərində nə maqnit zolağı, nə də imza üçün panel yoxdur. Hər dəfə internetdə alış-veriş edərkən Sizə lazım olan məbləği karta mədaxil edərək istifadə edə bilərsiniz. Bu isə kartdan pul vəsaitlərinin oğurlanması, hesabdan artıq məbləğin silinməsi və s. kimi dələduzluq risklərindən qorunmağa imkan verir.
Virtual kartı necə əldə etmək olar?
Virtual kartı əldə etmək üçün şəxsiyyət vəsiqəsi ilə birlikdə bank filialına yaxınlaşmaq və ərizə formasını doldurmaq lazımdır. İlk 2-3 iş günü ərzində kartınız hazır olacaqdır. Həmçinin bəzi bankların internet səhifələrindən virtual kartları onlayn sifariş etmək də mümkündür.
Virtual kartlar vasitəsilə hansı onlayn əməliyyatları həyata keçirmək olar?
- İnternet mağazalarından mal və xidmətlər almaq;
- Kommunal ödənişləri etmək;
- Mobil və stasionar rabitə haqlarını ödəmək;
- Sığorta ödənişlərini həyata keçirmək;
- Kabel televiziyasından istifadə haqqını ödəmək;
- İnternet provayderlərin xidmət haqlarını ödəmək;
- Elektron bilet almaq;
- Otellərdə otaq rezervasiya (sifariş) etmək və s.
Virtual karta vəsaitləri məhz ödənişi aparmazdan əvvəl yerləşdirmək, ödəmədən sonra isə sıfır qalıq saxlamaq olar. Bununla da internetdə kənar şəxslər tərəfindən kartın nömrəsi öyrənildiyi halda belə vəsaitlərinizin oğurlanması ehtimalı tam aradan qalxır.
Virtual Kartda əsasən aşağıdakı rekvizitlər göstərilir:
- universal və təkrarsız 16 işarəli nömrə,
- kart sahibinin adı,
- kartın qüvvədə olma müddəti,
- kartın üz tərəfində göstərilən xüsusi 3 işarəli CVV2/CVC2 kodu
Virtual kartın balansını necə artırmaq olar?
VirtualCard-a Bankların ofislərində, ödəniş terminalları vasitəsilə nağd şəkildə vəsait yerləşdirmək olar. Həmçinin kartın balansını Card-to-Card əməliyyatı ilə nağdsız artırmaq da mümkündür. VirtualCard hesabına digər kartdan köçürülən vəsaitlər daxil olduğu vaxtdan internet-mağaza tərəfindən bloklaşdırılmasına qədər demək olar ki, qısa müddət ərzində qalır. Buna görə də Card-to-Card əməliyyatı daha təhlükəsizdir.
Card-to-Card ilə vəsaitin köçürülməsini bu xidmətin tətbiq olunduğu bankların bankomatlarından və Card-to-Card xidmətinə qoşulmuş digər yerli bankların bankomatlarından, eləcə də Home Banking xidməti vasitəsilə həyata keçirmək olar.
Qeyd: Virtual kartlar çipsiz olduğundan onunla yalnız onlayn ödəmələr etmək mümkündür. POS terminal vasitəsilə ödənişin mümkün olduğu – restoran, alış-veriş və istirahət mərkəzləri, həmçinin digər yerlərdə isə bu kartlardan istifadə etmək mümkün deyil.
Aşağıdakı cədvəldə virtual kartları təklif edən bankların siyahısı və onların şərtləri ilə tanış ola bilərsiniz.
Bank | Məhsul | Kartın qiyməti və illik xidmət haqqı | Kartın valyutası | Kartın müddəti | ƏlavəMəlumat |
Bank Respublika | Virtual Card | Pulsuz | AZN/USD/EUR | 4 il | Hesaba minimal yatırım100 USD / AZN |
Dəmir Bank | MasterCard Virtual | 8/15/20 AZN | AZN/USD/EUR/GBP | 1/2/3 il | Konvertasiya 0,5 % |
VISA Virtual | |||||
Bank of Baku | MC Virtual kart | 2 AZN (hər bir ay üçün əlavə 1AZN) | AZN | 2 il | Konvertasiya 2%Vitrual oyun / əyləncə mərkəzləri, o cümlədən kazinolarda aparılan əməliyyatlar:
1.5% min AZN 2 / USD 2 / EUR 2 |
AG Bank | Visa Virtual Card | 12/18/24 AZN | USD | 1/2/3 il | KonvertasiyaAZN-lə 1%, Avro ilə 0,5% |
MasterCard Virtual | |||||
ASB Bank | Visa Virtual | 5 AZN | AZN | 3 il | |
Beynəlxalq Bank | Visa İnterCard/ Master Webcard | 3/5/7 USD | AZN/USD/EUR/GBP | 1/2/3 il | Konvertasiya 0,5% |
Xalq Bank | Visa İnternet kartı | 10 AZN/USD/EUR | AZN/USD/EUR | 1-2 il | regionlarda kartın qiyməti- 5 AZN/USD/EUR,Kart hesabına ilkin minimal mədaxil-Bakı: 10 AZN USD/EUR Digər: 5 AZN/ USDEUR
Konvertasiya-0,5% |
Kapital Bank | Visa Virtual | 5 AZN / 8 AZN / 10 AZN | AZN/USD/EUR | 1/2/3 il | “İntеrnеt Banking”, “Mоbilе Banking”, “SMS Banking” və “SMS İnfо” хidmətlərinə qоşulma pulsuz.Konvertasiya- 4% |
Para Bank | Visa Virtual | 5AZN | AZN/USD/EUR | 1-3 il | Konvertasiya- 4%Sms məlumatlandırma-pulsuz |
Unibank | Click Card | 5 AZN/USD/AVRO | AZN/USD/EUR | 3 ay | Konvertasiya-0,5% |
AFB Bank | Master virtual | 3/5/8 AZN | AZN/USD/EUR | 1/2/3 il | Konvertasiya-0,5% |
Fins.az