“DəmirBank” ASC daim müştərilərinin məmnuniyyətini düşünərək onlara edilən xidmət səviyyəsini daha da mükəmməlləşdirmək məqsədilə yeni 24/7 rejimində fasiləsiz olaraq xidmət göstərən Mərkəz filialı üçün Satış məsləhətçisi vəzifəsinə işə qəbul elan edir.
26 illik tarixə və zəngin təcrübəyə malik olan DəmirBank ölkədə aparıcı banklardan biri olmaqla Azərbaycanın əksər regionlarında öz müştərilərinə geniş çeşiddə bank xidmətləri göstərir və onların rifahı üçün çalışır. Bu məqsədləri həyata keçirmək yolunda yorulmadan səy göstərən peşəkar əməkdaşlarımızla ilə fəxr edirik və Sizi də DəmirBank ailəsinə, onun mehriban kollektivinə və qaynar korporativ həyatına qoşulmağa dəvət edirik.
Vəzifə öhdəlikləri:
• Növbəli qrafik üzrə 18:00-00:00, 00:00-09:00 iş saatlarında çalışmaq;
• Cari hesab xidməti üzrə məsləhət və satışın təşkil etmək;
• Təcili pul köçürmə sistemləri (o cümlədən “Şimşək” sistemi) üzrə müştərilərə məsləhət verməkvə satışları həyata keçirmək;
• Plastik kartlar üzrə müştərilərə məsləhət vermək və satışları həyata keçirilmək;
• Bütün növ depozitlər üzrə müştərilərə məsləhət vermək və depozit məhsulunun satışının həyata keçirmək;
• Digər qeyri-kredit məhsul və xidmətləri üzrə müştərilərə məsləhət vermək və satışı həyata keçirmək;
• Müştərilərə hesablar üzrə məlumatlar vermək, müştərin tələbi əsasında mövcud qayda və prosedurlara əsaslanaraq hesab əməliyyatları (mədaxil, məxaric, konvertasiya və s.) aparmaq;
• Müştərilərə kredit satışları zamanı onların hesab əməliyyatlarını aparmaq;
• Çarpaz satışları həyata keçirmək.
Namizədə qarşı tələblər:
• Ali təhsil;
• Müvafiq sahə üzrə ən azı 1 il iş təcrübəyə malik olmalı;
• Azərbaycan və Rus dilini mükəmməl səviyyədə bilməli (Ingilis dilini bilənlərə üstünlük verilir);
• Düzgünlük, dəqiqlik və etibarlılıq kimi müsbət göstəricilərə malik olmalı;
• Yüksək ünsiyyət və problemləri həll etmə bacarıqlarına sahib olmalı;
• Məlumatlandırma, müştəri xidmətlərinin tənzimlənməsi, detallara diqqət, peşəkarlıq və təzyiq altında işləmək bacarığı olmalı;
• Yüksək peşəkar etika və mənəvi-əxlaqi keyfiyyətlərə malik olmalı;
• Ünsiyyət yaratmaq, dinləmək və müşahidə etmək, insanların psixologiyasına bələd olmalı.
Göstərilən tələblərə cavab verən namizədlər öz CV-lərini 24 aprel 2016-cı il tarixinədək hr@demirbank.az elektron ünvanına göndərə bilərlər.
Müraciət etdiyiniz vəzifənin adını email-in mövzu hissəsində “Satış məsləhətçisi” şəklində göstərməyiniz xahiş olunur. Əks təqdirdə belə müraciətlilərin namizədliyinə baxılmayacaqdır.
Yuxarıda qeyd edilənləri nəzərə alaraq bildirmək istəyirik ki, işəqəbul prosesinin növbəti mərhələsi üçün yalnız seçilmiş namizədlərlə əlaqə saxlanılacaqdır.
DəmirBank özünün insan resursları siyasətinə əsasən müraciətçilərə bərabər seçim imkanları yaradır. Vakansiyanın tələblərinə cavab verən bütün namizədlər yaş, cins, irq və başqa fiziki xüsusiyyətlərinə, milliyyətinə, ailə vəziyyətinə, sosial-iqtisadi durumuna, baxışlarına görə ayrıseçkilik edilmədən nəzərdən keçiriləcəkdir.
