Retro stildə avtomobillərin hazırlanmasında ixtisaslaşan Bristol Cars şirkəti 70 illik yubileyi münasibətilə yeni sportkar buraxır.
Bullet avtomobili Bristol Cars-ın yeni modelidir. Retro görünüşü ilə ikiyerli rodster anonimliyini qorumaq istəyən məşhur italyan dizaynerə borcludur. Avtomobilin interyeri xardal rəngli dəri ilə işlənib, onu tünd ağacdan hazırlanmış elementlər tamamlayır. Bullet 370 at gücünə sahib mühərriyi 100 km/saat sürəti 4 saniyəyə yığır. Bullet məhdud tirajla 70 ədəd buraxılacaq, həm sol sükanlı, həm də sağ sükanlı variantlarda təqdim ediləcək.
Avtomobilin qiyməti təxminən 250 min funt sterlinq təşkil edəcək. İstehsal gələn ilin əvvəlində başlayacaq.
