Bank Respublika müştəri məmnuniyyətinin artırılmasına yönəlmiş strategiyasına sadiq qalaraq təklif olunan bank xidmətləri üzrə tarif dərəcələrində endirim edib.
Dəyişikliklərə görə, Azərbaycan Respublikası ərazisində gömrük rüsumları “Bank Respublika”-nın plastik kartları ilə ödənildikdə komissiya haqqı indi 0,1% təşkil edəcək. Bundan əvvəl komissiya haqqı 0,2% idi.
Bundan əlavə, sahibkarlara dəstək məqsədi ilə, Bankın korporativ müştəriləri hesablaşma əməliyyatları zamanı artıq xarici valyutanın konvertasiyası üçün əlavə komissiya haqqı ödənilməsindən azad olunurlar (0,5 % komissiya haqqı tutulurdu).