Sentyabrın 5-də Vergilər Nazirliyinin rəhbər vəzifəli şəxsləri və Azərbaycanda Amerika Ticarət Palatasının (AMCHAM) üzvləri arasında görüş keçirilib.
Görüşün keçirilməsində əsas məqsəd Azərbaycan Respublikasının Prezidentinin 4 avqust 2016-cı il tarixli “2016-cı ildə vergi sahəsində aparılacaq islahatların istiqamətləri”nin təsdiqi və vergi inzibatçılığının təkmilləşdirilməsi haqqında” Sərəncamında əks olunan islahat istiqamətləri üzrə müəyyən tədbirlərin həyata keçirilməsi olub.
Qeyd edək ki, sərəncamın icrası ilə bağlı işlər dörd əsas istiqamətdə aparılır :
- vergi yükünün azaldılması,
- vergi ödəyicilərinin hüquqlarının genişləndirilməsi,
- vergi ödəyicilərinə xidmətin səviyyəsinin daha da yüksəldilməsi,
- vergi inzibatçılığının təkmilləşdirilməsi
Bu işlər çərçivəsində ƏDV-nin differensiallaşdırılması, sabit verginin tətbiqi, vergi öhdəliklərinin əvvəlcədən müəyyən edilməsi (ATR), könüllü vergi açıqlaması və digər amillər əsas yer tutur.
BBN.az