461924_484080

Azərbaycan geyim istehsalını artırıb

Toxuculuq sənayesi, geyim, dəri və dəridən məmulatların, ayaqqabıların istehsalı sahələrində 75,1 mln. manat dəyərində məhsul istehsal edilib.
Dövlət Statistika Komitəsinə istinadən verilən xəbərə görə, əvvəlki ilin yanvar-avqust ayları ilə müqayisədə toxuculuq sənayesində 2,7 dəfə, geyim istehsalında 20,3% artım, dəri və dəridən məmulatlar, ayaqqabı istehsalında isə 75,1% azalma müşahidə edilib. Beləliklə, cari ilin yanvar-avqust aylarında 31,5 mln. manatlıq toxuculuq məhsulu, 36,6 mln. manatlıq geyim, 7,0 mln. manatlıq ayaqqabı istehsal olunub.
Rəsmi statistikaya əsasən, cari ilin yanvar-avqust ayları ərzində 302,8 min ədəd üst trikotaj, 160,9 min ədəd alt trikotaj, 1 263,2 min cüt corab, 222 068 ədəd kişilər üçün kostyum və komplekt istehsal olunub. Bu da ötən ilin eyni dövrü ilə üst trikotaj istehsalında 2,4 dəfə artım, alt trikotaj istehsalında 23,4% azalma, corab istehsalında 10,6% azalma, kişi kostyumları istehsalında 53,1% artım qeydə alınıb.
Emal sənayesində yanvar-avqust aylarında 5,7 mlrd. manatlıq məhsul istehsal olunmuş və sənaye xarakterli xidmətlər göstərilib.



Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir