Hesablama Palatası “Büdcə sistemi haqqında” qanuna yenidən baxılmasını məqsədəuyğun hesab edir.
Bunu Hesablama Palatasının sədri Vüqar Gülməmmədov Milli Məclisin İqtisadi siyasət, sənaye və sahibkarlıq komitəsinin iclasında “Azərbaycan Respublikasının 2015-ci il dövlət büdcəsinin icrası haqqında” qanun layihəsinin müzakirəsində deyib.
Onun sözlərinə görə, qanunun təkmilləşdirilməsi maliyyə nəzarətini gücləndirmək və şəffaflığı artırmaq üçün lazımdır.
V.Gülməmmədov qeyd edib ki, 2015-ci ildə dövlət satınalınmaları, dövlət təşkilatları tərəfindən debitor borcun ödənilməsi zamanı bəzi nöqsanlar aşkarlanıb, bundan başqa, büdcə vəsaitlərinin məqsədyönlü olmayan istifadəsi aşkar edilib.
İclasın yekunu üzrə “Azərbaycan Respublikasının 2015-ci il dövlət büdcəsinin icrası haqqında” qanun layihəsi Mili Məclisin plenar iclasında müzakirə edilmək üçün tövsiyə edilib.
