Aprelin 29-da “Fairmont Baku” otelində Mercedes-Benz-in Azərbaycandakı rəsmi distribyutoru “Avtokapital-Azərbaycan” şirkəti və Azərbaycanda Mercedes-Benz minik avtomobillərinin yeganə rəsmi dileri “Avtostar Kaukasus” şirkəti, birgə, yeni E-Class və GLS modellərinin təqdimatını keçiriblər. Tədbirdə bildirilib ki, E-Class modeli tamamilə yenidir, GLS modeli isə yenilənib.
Azərbaycana idxal olunan E-Class 200 modeli 2 litr, 184 at gücündə Turbo mühərrik ilə təchiz olunur. Avtomobil eksteryer və interyer olaraq AMG paketdir. Payız aylarına doğru E-Class-ın E300, E43 AMG, E400 modellləri buraxılacaq.
Artıq alınıblar
İlkin olaraq Azərbaycana 2 ədəd E-Class avtomobili gətirilib və artıq hər 2 avtomobil satılıb. Amma təəssüflənməyə dəyməz, May ayında Babək prospektində yerləşən Mercedess-Bens salonunda yeni E-Class və GLS modelləri olacaqdır.
Bildirilib ki, təqdim olunan Yeni E-Class modelinin qiyməti 54 min avrodan 65 avroya kimi dəyişir. Modelin baza versiyasının qiyməti isə daha aşağıdır, lakin Azərbaycan alıcısı daha təchizatlı versiya tələb etdiyindən baza təchizat idxal olunmur.
Yenilənmiş GLS modeli isə 3 litr, 258 at gücündə Turbo mühərrik ilə təchiz olunur. Avtomobilin qiyməti 90-92 min avro civarındadır.
Mənbə: “Marja”